Recherchenan di districto di San Nicolas cu entrada hudicial awe mainta den careda 10:00AM. Esaki a sosode den Caya Bohi caminda cu a detene un persona relaciona cu atraco riba Ton Li Supermarket algun dia pasa.
Riba 12 di februari a comete un atraco riba dicho supermarket y for di e momento ey a cuminsa un investigacion. Departamento di recherche di San Nicolas despues di acumula tur evidencia a pasa na detention di sospechoso di inicial J.P naci na Aruba di 30 aña di edad.
Durante entrada no a confisca nada relevante na sitio. A transporta e detenido pa warda caminda lo presente cu pruebanan den su contra y asina continua e proceso.
Cuerpo Policial ta recorda e comunidad cu nan cooperacion y informacion ta importante pa yama y duna cualkier informacion adicional via nan tiplijn: 11141. Anonimato ta garantisa.
