Gobierno a bin ta perde diferente caso den Corte. Por menciona e caso di e Polis Efa Maduro y tambe Richard Kramers. Ambos di sector di husticia. Awo tin un otro funcionario cu a gana su caso y ta indica cu a pega otro barco, of e Minister encarga ta actua deliberadamente of no ta sigui conseho of no ta busca conseho di huristanan. Pero mas pio ainda, ta mustra cu un caminda Departamento di Recurso Humano ta faya.
E caso aki tin di haber cu e funcionario policial Steve York, kende abogado mr. Demis Illes a represente den e caso aki.
Den un decreto gubernamental fecha prome di april, 2022 su doño di trabou, esta Gobierno (Minister di Husticia) a haci uzo di un articulo 53 di Landsverordening materieel ambtenarenrecht (Lma), pa mand’e pa Guarda Nos Costa (GNC) entrante prome di december, 2021. Pues di KPA pa GNC.
A kit’e for di e funcion di chef van dienst y e rango di Hoofdagent 1ste klasse, y a pone den e funcion di di colaborador di vreemdelingentoezicht den e rango di hoofdcommissies 1 ste klasse (schaal 11, dienstjaar 5).
E funcionario a entrega obhecion dia 3 di mei, 2022 na Corte. A trata e caso casi un aña despues, esta na maart ultimo.
KPA dia 27 di maart ultimo a entrega un dossier traha door di Bureau Integriteit en Veiligheid di KPA (BIV) titula “Onderzoek Politie-Hagemeyer” pv nummer 1711160905.AMB,
Su doño di trabou a trece dilanti durante tratamento di e caso cu a confiansa den e funcionario a kibra. No tin confiansa den dje pa e traha mas como Polis. No ta posibel pa e bolbe mas eynan. A bisa tambe cu e experiencia cu e tin, e ta capacita pa reforsa GNC. Pues Gobierno ta conclui cu su traslado ta na bienestar di ambos servicio.
E ta traha na GNC desde 24 di juli, 2020 y e ta funciona bon eynan.
Pero e funcionario mes ta bisa cu e no ta mira pakico ta bisa cu no tin confiansa mas den dje. Ademas, e e funcion cu a dun’e na GNC no ta un funcion adecuado p’e. Esaki pasobra e funcion cu a dun’e a yega eynan na su maximo tambe, na nivel di schaal 7 y e tin caba e schaal ey. E ta haya esaki denigrante, Ademas, GNC no ta cla huridicamente.
E pregunta den e caso ak ta si Gobierno tabatin derecho pa traslad’e for di KPA pa GNC den e funcion en cuestion y sac’e for di e funcion den KPA.
Na final Corte a bisa cu ta destrui e decision di su traslado pasobra a haci esaki sin cu a scuch’e.
Pa e relato amplio, lesa TREMPAN di awe.
