Diahuebs marduga ladronnan tabata activo. Nan a bay na e futuro restaurant Sandra Bistro dilanti di corte, banda di e parke Willem de Zwijger.
Informenan a drenta cu lo tin ladronnan activo den e area. Alarma a activa net 4:29 di marduga. Ora cu unidad di polis y compania di seguridad a presenta na e sitio, a constata cu tin hekwerk kibra band’i p’ariba di e restaurant cu ta keda den scuridad.
E ladronnan a bira e camara di seguridad na halto pa evita cu durante proceso ta graba con nan a kibra hekwerk y horta. E notifica e doño di Sandra Bistro mesora pa bin habri e lugar y controla kico e ladronnan por a bay cun’e.
Hunto cu unidad di polis, e doño a logra tira un bista p’aden di e lugar, pero no a haya falta di nada cu e ladronnan lo a horta. Remarkabel ta cu e doño di e lugar no ta interesa di entrega keho contra e malhechornan aki cu a drenta e sitio, kibra hekwerk y drenta den e localidad pa busca pa cos pa horta.
