Clientenan di Arubus y Autobus cu ta pasa den Caya Betico Croes ta pidi atencion pa nan siguridad. Nan a acerca nos redaccion cu un peticion specifico.
E autonan Honda cu Jossy Motors ta trece Aruba, ta wordo para dilanti nan showroom. Ultimamente e kehonan ta drentando cu ora di parkeer, e parti dilanti di e auto ta coy full e acera. Casi e front di e auto ta yega caminda. Esey logicamente ta stroba e peatonnan di por move y tambe esnan cu ta usa transporte publico para na e parada pa subi bus.
Esaki ta un ehempel con e usuarionan di transporte publico mester para na e parti pabou di e autonan pa e bus. Si Jossy Motors para e autonan 50 cm mas patras e lo laga espacio pa e peatonnan y tambe lo laga espacio pa esunnan cu kier para na e parada di bus pa haci uso di transporte publico.
