Minister di Asuntonan Economico, Comunicacion y Desaroyo Sostenibel Geoffrey Wever ta anuncia cu e prijsnan nobo di benta di combustibel entrante 8 mei 2024:
Gasoline unleaded-premium : 269,0 cen p/ltr. (+ 2,1 cen)
Diesel LS : 228,2 cen p/ltr. ( – 1,9 cen)
Kerosin : 211,6 cen p/ltr. (+ 0,7 cen)
E prijsnan ta inclui BBO/BAZV/BAVP.
Por corda ainda cu luna pasa, dia 10 di april, a anuncia cambio di prijs tambe cu a encera un aumento.
E prijs e luna ey a subi cu 11,3 cen y a bira Afl. 266,90 pa liter. Diesel a baha luna pasa cu 6.3 cen y e biaha’ki el a conoce aumento, mientras cu kerosin cu luna pasa a conoce aumento, e luna aki a baha un tiki.
E anuncio aki ta nifica cu pa di cinco bes e aña’ki e prijs di gasolin ta subi. Solamente na inicio di januari tabatin un reduccion.
Gran parti di e prijs di Gasolin cu Diesel ta destina pa gobierno na accijns. E accijns riba prijs di Gasolin cu Diesel ta hopi halto. Gobierno ta come un gran parti y e ganashi mes di e pompnan ta poco.
Ademas di accijns, gobierno ta come dos schakel riba e prijs di gasolin. E BBO di 7% di FMSA pa e tanki di Citgo su pomp y djey otro 7% di e pomp pa tanki di bo vehiculo. Apart di Accijns halto gobierno ta gana otro 14% riba e prijs di benta.
Finalmente di e prijs total di loke pomp ta bende, un porcentahe halto ta straight pa caha di gobierno. Pueblo por spaar un tiki door di tank te cu diamars anochi prome cu 12or di marduga.
