Diasabra mainta a tuma luga un accidente na Catiri, caminda cu un persona a keda herida. Polis a bin compronde na e sitio cu un Nissan Murano color preto lo a bay pasa e auto accidenta, un Suzuki color cora net den un birada, caminda cu e ultimo aki a hay’e obliga di baha caminda, ranca algun mata pa despues dal den un palo. E impacto a causa cu tanto e chauffeur como e ocupante a keda herida.
Na yegada di ambulance, paramediconan a controla e victimanan, pero un di nan, e ocupante, no tabata kier a bay hospital. E chauffeur si mester a bay, debi na e slanan cu el a haya.
Polis a cuminsa cu un buskeda di e Murano, cu a sigui core bay despues di e accidente.
