Awe mainta muchanan cu a yega scol, Maria College, a haya nan mes cu polis y sin cu nan por a sigui nan lesnan normal.
Inicialmente a papia cu no tin control y tin aglomeracion tumando luga. Sinembargo ora cu 24ora.com a yega na e sitio a mira auto di polis y muchanan para den fila pa pasa den un control estricto, no solamente ta scan nan curpa pero tambe nan tas, pa cualkier cos iregular cu nan tin den nan poder.
No a logra haya ningun persona responsabel ni di Maria College ni di SKOA pa duna un informacion oficial. E unico comentario cu a haya ta cu denter di poco lo manda un declaracion oficial pa prensa di Aruba.
Extra-oficialmente por a compronde cu esaki tin di haber cu un caso di asesinato cu a tuma luga recientemente. E sospechoso ta un alumno di e scol aki. Esaki a causa cu e dia despues di e sucedido henter e klas, den cual e sospechoso ta, no a atende les.
Pero banda di esaki tin informacion, cu no ta confirma, cu tin menasa tambe cu a drenta pa e scol y varios docente a haya esaki tambe. Tur e puntonan aki lo ta motibo cu a dicidi pa tira un control di sorpresa y wak tur kico por topa cu ne.
