Un rato pasa e team special di Playa cu tabata bezig for di atardi cu control relaciona cu bebemento riba caminda publico a presenta den Juan Jacobstraat. Ta net pabou di edificio di Corte. Ey a topa cu varios adicto sinta y un minivan.
Mesora a pidi nan pa move for di e sitio. Polis a controla den e auto y a topa cu varios material di construccion. A kita basta droga for di e adictonan cu tabata sinta eybou.
Nan no a keda contento cu presencia di polis. Polis a detene e chauffeur di e minivan cu tabatin droga den su poder. Un rato prome caba a detene un persona dilanti Silla Bar cu no a sigui ordo di polis.
