Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba veldnan na Pos Chiquito.
Den e promer wega di e serie di best out of 3 Piratas kende a clasifica number 3 den campeonato a enfrenta White Joker kende a clasifica number 4. Den Tie Break Piratas ta laga White Joker den tereno 7-6 pa seya nan promer victoria di e serie. Boxscore final Piratas 7 careda, 10 hit, 3 error y ta laga 8 coredor na base. White Joker 6 careda, 7 hit, 2 error y ta laga 9 coredor den circulacion. Piratas ta bati como equipo di 25-10 pa un averahe di 400 mientras White Joker ta bay di 25-7 pa un averahe di 280. 
Mihor bateadornan pa Piratas ta Whascar Perez, William Benitez, Leyvis Gonzalez, Oneal Smith Taveras tur a bay di 3-1, Jermey Moreno 3-2 incluyendo un doblete, Ever Vivanco 3-2, Michel Corniels 1-1 y Dimas Santos di 2-1. Pa White Joker a destaca na plato Ludwin Dabian, Arsan Wester ambos di 3-1, Mario Kock y Dylan Geerman di 3-2, Michael Rasmijn di 1-1. William Benitez ta cubri henter e ruta enfentando 32 bateador tirando 58 bola, 79 strike pa un total di 137 lansamento permitiendo 6 careda tras di 7 imparable propinando 4 strike outs y ta regala 6 base por bola pero seyando e victoria riba su nomber.
E veterano Henk Arnold tambe a bay complete enfrentando 30 bateador tirando 30 bola, 62 strike pa un total di 92 pitch permitiendo 7 careda tras di 10 hit ponchando 2 bateador y ta regala 4 base por bola y mester conforma su mes cu e derota riba su nomber. Weganan di Playoff A-Klas ta continua tur dia e siman aki. Diamars na Dragon Hitters y siaranson, diahuebs y diabierna na Pos Chiquito.Play off A-Klas a la carga!!
