Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba veldnan na Pos Chiquito.
Den serie di Play Off di best out of 3 e equipo di Piratas a elimina Black Joker den 2 wega pa asina gana e serie 2-0 y pasa pa final pa disputa den un serie nobo di 5 wega contra Logros pa e titulo maximo di Aruba den categoria A-Klas. 
Black Joker a pika ariba 2-0 den cabez di promer inning pero mesora Piratas a responde cu 4 careda den bom di mesun inning. Black Joker kende no kier entrega a anota 4 careda den cabez di 2 pero Piratas ta responde cu 1 careda den mesun inning pa hasi e wega 6-5 pa Black Joker den bom di 2. Den bom di 4 inning Piratas ta rally pa 4 careda y ta bolter e score 9-6 y nunka mast a mira atras y asina ta elimina Black Joker. Boxscore final Piratas 9 careda, 11 hit, 3 error y ta laga 5 coredor na base. Black Joker 6 careda, 11 hit, 0 error y ta laga 9 coredor den circulacion. Piratas a bati como equipo di 19-11 pa un averahe como equipo di XXXX, Black Joker a bati como equipo di 26-11 pa un averahe XXXX.
Mihor bateadornan pa Piratas ta Jonathan Bary 2-2 incluyendo un triple, Modesto de La Cruz di 3-3 cu 2 careda anota mas 2 rbi y un triplete, Leyvis Gonzalez 3-2 cu 2 rbi, Henry Heredia y Pablo Reid ambos di 1-1. Pa Black Joker a destaca ma plato Jorell Loopstok 1-1, Ashwi Feliciano 4-3, Brian Courtar 3-3 cu 2 rbi, Eldrick Maduro, Oslin Bergrok ambos di 2-1, Lorenzo Maduro di 3-2. Guillermo Montiel ta enfrenta 20 bateador den 2 inning y 2 tercio permitiendo 6 careda di cual 2 ta limpi tras di 8 hit y ta laga e wega perdi 6-4. William Benitez ta drenta di relevo enfrentando 10 bateador y nan ta conecte 3 hit y no ta permiti careda y asina pone e victoria riba su nomber.
Brian Courtar ta enfrenta 26 bateador tirando 39 bola, 43 strike bon pa 82 pitch permitiendo 9 careda limpi tras di 11 imparable regalando 6 base por bola y mester conforma su mes cu e derota riba su nomber jamando ayo na campeonato 2019. Manera nan ta bisa next year better luck! Di e manera aki Piratas lo enfrenta Logros den un serie di 5 wega pa campeon di Aruba. Diahuebs awor pa 715pm na Pos Chiquito Play Off final ta ON!
