Aruba ta un isla chikito pero cu a produci hopi talento cu awendia ta forma parti di e diaspora Rubiano.
Phil Hunt, conoci bou di e nomber artistico Philly Movie, ta un yiu di tera residencia na Alemania cu diahuebs a saca un cancion nobo titula ‘Done Eh’, featuring Don Forty Five.
E musica ta un creacion di Philly Movie mes y e ta un mescla di Latin House, Dembow pero c’un sazon Caribense.
GRABACION
Grabacion di e videoclip cu ta compaña e cancion aki a tuma luga na Republica Dominicana, den e famoso caya ‘La 42’ den e ciudad Capotillo.
Sigur un trabou haci cu hopi amor y cariño pa e publico di Aruba, e publico Latino y mundo henter.
Keda pendiente, ya cu pronto 24ora.com/TREMPAN lo ta tin un entrevista cu Phil y asina nos pueblo por haya sa mas di e talento local aki, Philly Movie, cu actualmente ta residencia na Hamburg, Alemania.