Mas di 64 mil persona a uza nan derecho di voto awe na Corsou. Esaki ta 13 mil mas compara cu e eleccion anterior. Mientras cu awe ta e eleccion, asina mes tin hende mester a haci test di COVID-19, consecuentemente algun di nan a sali positivo.
Esaki ta pone cu p’awe Corsou tin 879 caso activo. Den esunnan cu a bin acerca den e cifra di contagio positivo, na momento cu e team di crisis a bay tuma contacto cu nan, no por a localisa nan. Esaki ta pone cu e personanan aki a bay vota sin sa cu nan ta positivo. E oportunidad pa contagia mas hende ta grandi.
Pero door di ta eleccion, e hendenan di Corsou tin nan derecho pa deposita nan voto, a pesar cu ta den isolacion y/of cuarentena. P’esey a bin cu un video riba Facebook di Gobierno di Corsou a pone un video, unda dr. Izzy Gerstenbluth a duna tipnan con pa ta safe pa esunnan cu ta positivo of ta den cuarentena. Cu esaki nan meta tabata pa tur hende cuida nan mes pero tambe nan mesun ser keri y henter comunidad di Corsou.
