Un otro flexibilisacion cu Gabinete Wever-Croes a tuma, ta relaciona cu e testmento (PRC-test) ora di biahe. Prome Minister Evelyn Wever-Croes a splica dicon a haci esey.
TEST DI COVID
Actualmente tur persona cu ta bay biaha of cu ta yega Aruba, mester haci un PCR-test 72 ora prome cu su biahe y esaki mester sali negativo pa por biaha. Esaki tambe lo conoce cambio.
Gobierno a tuma e decision cu entrante 1 di juni, tur residente di Aruba, cu bay biaha no mester haci e PCR-test mas. No mester haci esey ora di bin bek. Esaki ta p’e personanan cu a tuma tur dos dosis di e vacuna.
Ta spera cu e decision aki lo stimula tur hende pa vacuna, e ta hacie mas atractivo pa bay biaha tambe.
