Tabata diasabra mainta algo pasa di 5’or ora cu Polis a duna un Toyota Yaris señal pa para. Esaki pa motibo cu e Yaris tabata coriendo den verboden den Emmastraat cu Avenida Alo Tromp.
Tabatin un total di 5 persona den e Yaris cual tres ta hende homber y 2 ta hende muher. Na momento cu Polis a duna nan señal pa para, dos di e hende hombernan a sali na careda na pia y purba scapa for di Polis. Aki ta caminda cu Polis a start un persecucion na pia tras di e dos hombernan aki.
E persecucion a start for di Emmastraat, a drenta Ranchostraat y finalisa den Weststraat. Un bon trabou di e Polis cu a logra gara un di e hombernan aki. E otro homber a logra scapa di Polis. Polis a detene e otro tres personanan cu tabata den e Yaris, nan si no a core pa Polis. Tur ta parce cu ta ilegal, investigacion lo saca afo si esaki ta berdad of no, ya cu a hiba nan Warda unda cu a tuma contacto cu Guarda Nos Costa pa controla nan datonan.