Casi 5’or di diadomingo atardi a pidi presencia di polis den Olijfistraat na Dakota pa un muhe cu ta haci fastioso. 

Polisnan na yegada a papia cu un señora, kende ta splica cu e muhe pa kende a pidi asistencia ta un persona hopi fastioso y problematico. Ta parce cu e muhe a horta cartera di un bisiña. E doño a mira cu el a coy e cartera y a bay hala su atencion, pero a mira con el a saca e placa y despues a tira e cartera afo. El a bay cu 140 dollar y 25 florin. 

Despues nan a bolbe haya problema cun’e ora cu dos dia atras el a kibra y drenta den cas di e denunciante, cual no a cay na agrado di e ladron. E muhe a dicidi di baha su rabia riba auto di e denunciante y a causa daño na e vehiculo. 

E señora a bay Polis pero nan no por a tuma su denuncia y mester bay Recherche, cual el a haci tambe. E oficialnan a bis’e cu nan ta trahando riba un otro caso den cual e muhe  aki ta envolvi y dialuna lo por tin mas noticia di su denuncia, con el a cana. E señora a bisa cu e no ta compronde di con ta laga e muher  keda cana liber mientras cu tin denuncia haci contra dje. Esaki por causa, el a bisa, cu hende ta (victima) ta bay cera innecesariamente.  Y esey a sosode tambe pasobra despues di e denuncia di diabierna, awo ta cartera di sobrino di e denunciante el a horta. 

Polisnan a transporte pa warda di Playa unda mester presente dilanti Fiscal Auxiliar. 

E sospechoso aki, segun esnan rond ta conta, no ta biba den e bario ey. Solamente e ta bin bishita e mama, kende ta un persona malo, pero e ta causa problema p’e tambe awo cu bisiñanan.

Comments

comments