Despues di varios siman e curpa di Jairzinho Pieter, hoben futbolista, a yega Corsou diadomingo merdia.

Tabata algun siman pasa cu e portero di e seleccion di Corsou hungando un wega di clasificacion na Haiti, a fayece di forma repentino.
E traslado di su curpa pa su pais a tarda pa diferente motibo. Esaki a causa mas dolor pa e famia, ya cu a tuma basta tempo pa nan por despedi di nan ser keri.

Curpa di keeper cu a fayece na Haiti a yega Corsou

Curpa di keeper cu a fayece na Haiti a yega Corsou. Click e link pa mas https://24ora.tv/2pEyH4I

Posted by 24ora on Sunday, October 20, 2019

Den oranan di merdia e curpa a yega Corsou y a permiti e famia mas cerca yega te na e area unda a saca e caha cu curpa pa pone den e shershi. Un momento yena di hopi dolor y por a scucha con hasta esnan cu tabata nara e noticia a wordo domina pa emocion.
Inmediatamente a traslada e curpa pa e Cas Funebre y por a mira cu banda di e autonan di famia y amigonan cu a compaña e corteho, por a mira banda di caminda tabatin basta persona para pa duna nan saludo na e hoben cu a fayece.
Diaranson awo e entiero ta tuma luga compaña pa un ceremonia unda cu lo rindi honor na e hoben futbolista.

Comments

comments