Den fin di siman tabatin Aruba Soul Beach Music Festival 2023. Diferente cantante, DJ y comediante tabata presente pa entretene e publico presente. Artista local Pearl Dumfries tambe tabata riba stage pa entretene tur hende.
Diasabra 27 di mei, nos cantante y artista local Pearl Dumfries mihor conoci como “Watra”, a haci un impacto enorme den e openings act di Aruba Soul Beach Music Festival. El a haci esey hunto cu su banda consistiendo di Kyle Winklaar, ariba piano, Reno Steba cu bass guitar, Sergio Jansen ariba electrical guitar y Jeremy Bonariba ariba drums.
Watra tabata bon ricibi door di e audiencia grandi di Soul Beach Music Festival. Pabien na nos artista local “Watra.”
