E decision di hues den caso Ibis tabata uno basta duro pa ex-minister Paul Croes. “Mi ta poco desapunta cu e sentencia.” Di e peticion di cinco a haya 4 na prome instante pero awo tres. Sigur ta un adelanto, pero no ta loke cu Croes a spera.
E ta sinti cu basta cos cu a trece dilanti na e tres huesnan, no a tene na consideracion. Por a lesa un rato hopi lihe e vonnis y ta haya cu hopi cos a tuma nan ‘kort door de bocht’.
Awo Croes lo bay haci un evaluacion hunto cu su abogado y famia kico t’e miho decision pa sigui.
Croes a sigui remarca cu nan ta personanan luchado y lo keda lucha cu e sentencia aki ta uno cu no ta contento cu ne.
Si e ta contento cu su casa Melony Croes-Paesch a haya vrijspraak pa loke a acus’e di dje. A lastr’e den e caso aki y a haya su rason dilanti tres hues. Ta un consuelo p’e famia sigur.
Sinembargo lo evalua pa ki motibo e tres huesnan no a tuma den consideracion 90 dia cu Croes a keda cera den isolacion, eror haci pa Ministerio Publico, e embergadura di e caso mes. Tur ta loke cu kier bay discuti cu e team di abogado pa mira si ta keda espacio pa un siguiente paso.
Croes a keda straña cu e haltura di e vonnis, pero ta keda positivo. “Nos ta solda, nos no ta muri y ta keda lucha.” Tin hopi hende na Aruba ta pasando den momento hopi dificil. Esaki no ta facil pa famia Croes tampoco. Pero si mir’e den perspectiva ta duna un animo pa sigui dilanti.
Pa cobertura mas amplio lesa edicion di TREMPAN mañan.
Loading…
Reload document 
Open in new tab 
