mr. Demis Illes: Contento cu reduccion pero lo bay evalua si tin caminda pa cana ainda

Awe corte a dicta sentencia di ex-minister Paul Croes, kende ta e sospechoso principal den e caso Ibis. A pesar cu Croes a mustra optimista den cuadro dje resultadonan, e tres huesnan a declar’e culpabel di e acusacionnan contra di su persona.

Ta di tuma nota si cu Hof a baha e castigo imponi p’e corte den prome instancia pa un aña menos, pues Croes a ricibi un condena di tres aña di prizon.

Riba e ultimo aki, abogado mr. Demis Illes, abogado di ex-minister Paul Croes, a bisa cu e ekipo di Croes mester bay lesa e vonnis detayadamente pa asina analisa y descifra pakico a tuma e decision aki.

“Naturalmente bo ta contento como defensa cu tur reduccion cu bin acerca, pero di otro banda toch un tiki menos contento cu hopi di cierto ponencia treci dilanti a wordo bari fo’i mesa”. Pa e motibo ey, lo bay evalua si tin caminda pa cana ainda. 

Pa cobertura mas amplio lesa edicion di TREMPAN mañan.