Awe merdia despues di 12:00 pm a bati alarma pa un accidente na e parti nort di costa di nos isla. Autoridadnan a sali mesora den e direccion ey, debi cu tabata papia di victimanan herida na e sitio di desgracia. Ambulance a activa tambe y a bay brinda asistencia den e area entre Bushiribana Ruins y Wariruri Beach.
Un vehiculo “U.T.V” a tuma un birada mucho skerpi, cu a pone cu e chauffeur a perde control y e vehiculo a kentel. Den e proceso e chauffeur a resulta herida. Ambulance a yega mesora na e sitio y a transporta e victima pa hospital, pa ricibi cuido medico avansa.
Polis a yega net na momento cu e ambulance tabata saliendo caba. A tuma datos di esunnan den e grupo di UTV pa e investigacion cu ta sigui awo.
