Diaranson atardi a tuma luga reapertura di e cancha di futbol completamente renoba na Parke Curason situa na Jaburibari. ‘Mi ta hopi contento di por a presencia e ceremonia di reapertura di Johan Cruyff Court cu desde diaranson ta carga nomber di Cruyff Court Denzel Dumfries’, asina parlamentario Alvin Molina di e fraccion di MEP den parlamento, a expresa. E ta un hoya di facilidad, e cancha di yerba artificial ta completamente renoba unda nos hobennan por practica nan deporte, intercambia y socialisa.
Hobennan haciendo algo positivo manera deporte, ta preveni pa nan bay den mal caminda. Parlamentario Molina a agrega cu den un combersacion cu e tabatin cu Simon van Rooijen di Cruyff Foundation, a expresa e importancia pa sondea e posibilidad pa bin cu un cancha asina pariba di brug.
Parlamentario Molina ta felicita e bario di Jaburibari, Ministerio di Enseñansa y Deporte, Cruyff Foundation, IBISA, FCCA, FFD y AVB cu e realisacion di e bunita proyecto aki pa nos hobennan.
