E klem ta pasa pa pasado, ta loke cu Minister di Transporte, Ursell Arends a bisa den un conferencia di prensa diamars.
Cu esaki hunto cu e Hunta di Comisario y gerencia di Aruparking a yega na shete punto cardinal p’e reanudacion di Aruparking. E shete puntonan aki ta diferencia e Aruparking di awo cu esun di pasado.
E mandatario a indica cu den e reanudacion di Aruparking, no lo tin klem mas, pero si lo tin un aplicacion pa loke t’e control debido n’esaki. Tur cu comete un infraccion lo haya un sticker. E di dos infraccion lo haya un cierto cantidad di dia pa paga un boet di por lo menos 75 florin. Unabes cu no paga esaki, lo ricibi un boet na cas, cu asina aki lo mester paga esaki.
Unabes cu no paga esaki tambe, lo cuminsa un proceso di incasso. E cobransa y e costonan di incasso lo ta p’e persona cu comete e infraccion aki tambe.
