Tin por lo menos tres persona cu perde nan libertad diamars atardi. Tur cos a cuminsa alrededor di 5:25 pm ora cu polis a presenta cu urgencia na altura di Indian Rock Gargen na Hooiberg p’un caso di ladronicia.
A presenta cu dos patruya na e sitio despues di ricibi un tip di oro. Berdad, na nan yegada a topa cu dos hende homber y un hende muhe den accion. A yena un baki yen di hero cu no ta pertenecia na nan.
Polis no a pens’e dos biaha y a detene tur tres persona. Na banda di e detencion, a confisca dos auto, un pickup y un Hyundai Tucson. Na final a transporta tur tres pa warda di polis caminda lo presenta nan dilanti un subfiscal, kende lo dicidi sea riba nan encarcelacion of libertad.
