Bernardo Maduro di Washington ta un ciudadano di 68 aña di edad, den rolstoel. E ta huur un trailer riba su tereno y esaki ta trece problema.
Maduro a splica cu nan ta un pareha di hende grandi y e hendenan cu e ta huur tereno cu ne mester tin responsabilidad. Ta papia cu e huurdonan, pero nan no ta ni worry. Nan a coba un buraco patras di e tereno, y lag’e habri te cu su señora a cay den dje.
E huurdonan tin pago atrasa riba pago di huur di trailer. Den e trailernan tin mas di 50 hende bibando den e trailernan, cual tampoco tabata e idea. Nan no por wanta mas. “Dios ta su hues y Hesus ta su abogado, E ta wak tur cos, E sa den kico Maduro y su señora ta pasa aden. Mas nan no por haci”, tabata e palabranan di Maduro.
Mas aleu, Maduro a bisa cu e no ta husga niun hende. E ta sinti cu nan como hende grandi ta un molester, y ta spera cu nan por yega na un solucion pronto, nan no por sigui biba asina’ki.
