Tur aña Arubalening ta manda nan presupuesto pa Directie Financien, cu ta tene cuenta cu esey. Supuestamente e ta presupuesta, pasobra e pais ta mara na un contract cu e studiantenan.
Sharine Croes-Dubero, coordinador di Studie Faciliteiten di Departamento di Enseñansa, a indica cu mester cumpli y paga nan. No por laga un studiante na Merca sin placa, e tin di sobrevivi. Na Hulanda ta haya DUO, pero sin DUO y cu Arubalening so nan no por sobrevivi na Hulanda.
Pero loke ta Merca, Costa Rica y e otro paisnan esey ta casi imposibel. “Nos mester cumpli cu nan”, asina Croes-Dubero a indica. A base di esey departamento di financia ta pone e placa cu nan ta informa cu mester. E departamento ta pone esey disponibel pa paga e studiantenan.
