Dialuna dia 30 di januari 2023 pa 4:00 pm tin un concierto special den Kerki Protestant na Playa. Un ora di musica Baroque y romantio, presenta pa e famoso organista y conductor Gabriel Dessauer riba e famoso orgel Flentrop.
Gabriel Dessauer, organista y director
Gabriel Dessauer (1955) ta un organista, cantor y un academico. E tabata responsabel di e musica den St. Bonifacious, un iglesia na Wiesbaden di 1981 pa 2021. Tambe el a dirigi e coro di St. Bonifacious te cu 2018. Gabriel ta un recitalista di organo di renombre internacional. E tabata profesor di organo na e facultad di e conservatorium di Musica di Magnuncia. Na 1985, el a funda e oro di e proyecto Aleman-Ingles, e Reger-Choir. El a participa na e conferencia- y congresonan internacional, specialmente tocante e musica di e compositor Max Reger.
Dessauer a duna recitalanan na Europa y Merca: na e Cathedral Nacional di Washington y na St. Patrick’s Cathedral, na New York. El a interpreta e organo Kotzschmar denMerrill Auditorium na Portland, Maine, y den e Cathedral “Our Lady of the Angels” na Los Angeles. Na 2004, ela presenta un lectura durante e Convencion Nacional di “American Guild of Organists in Los Angeles” riba musica di coro di Max Reger. Na 2005, Dessauer a toca na e “Spreckels Organ Pavilion” na San Diego. Na 2010, el a duna un recital na St. Ignatius Loyola, na New York.
Desde 1992, Dessauer a conduci eventonan pa di e “Rheingau Music Festival” cu nan ta yama e tour di Orgel (organ tour), bishitando orgelnan historico den e region; di Rheingau pa e catedralnan di Worms, Speyer, Würzburg y Fulda.
Na 2014, Dessauer a tour na Merca, presentando conciertonan na Washington National Cathedral, na St. Mary’s Cathedral na San Francisco, California, y na e orgel di Salt Lake Tabernacle na Salt Lake City. Na november 2015 Dessauer tabata e organista pa un evento di canto organisa ap e Diocesis di Limburg na St. Bonifatius. Un coro consistiendo di 150 boluntario a studia e Gabriel Fauré’s Requiem y a presenta nan parti durante e Wiesbadener Bachwochen festival.
E Kerki Protestant di Aruba ta honra pa tin Gabriel Dessauer pa duna un bunita concierto na Oranjestad Aruba. Entrada pa e concierto aki ta completamente gratis. E kerki ta un luga habri pa resa y alabansa. Specialmente un luga di alabansa pa e invitado-, turista- y habitantenan di Aruba.
