Diadomingo anochi laat, despues di 11:30 pm a sosode un caso di ladronicia den area di Baby Beach, poco mas pabou di Big Mama Grill na San Nicolas. Un famia local a caba di landa na beach, pa ora a bay subi nan auto, a tuma nota cu nan a bira victima di ladronicia.
A bin topa cu e porta di auto habri. Ta trata aki di un auto marca Toyota modelo Yaris. El a haya falta di un tas, un cartera, carchinan di banki y dos telefon celular modelo iPhone.
Mesora a bati alarma na polis, cu a yega den un tempo record na e sitio. Testigonan a avisa polis di a señala un auto marca Nissan modelo Cube moviendo sospechsoo den e area y specificamente cerca di e auto envolvi. E defensornan di ley a tuma tur dato di dicho auto y a keda di bay atende cu ne.
Ta bon pa bisa acerca cu ultimo dianan a nota un crecemento den cantidad di casonan di ladronicia riba auto. No ta solamente di localnan pero tambe riba auto di turista. Areanan turistico ta halto riba lista di e ladronnan. Ta conseha pa no laga nada di balor den bista di ladronnan, pasobra esey, awendia, ta traha manera un invitacion pa ladronnan kibra bo bentana pa horta den bo auto!
