Tin cu mira na prome luga kico ta responsabilidad di un minister, pero aki den caso kico ta responsabilidad di minister di Energia. Bou su maneho ta cay e responsabilidad di cierto compania estatal manera Utilities, cu bou dje ta cay WEB. Pais Aruba ta e unico accionista di e companianan aki. AVP a reacciona riba e firmamento di acuerdo entre WEB-Eagle LNG, cual no tin un transparencia.
Ryçond Santos do Nacemento, parlamentario di AVP, a informa cu e accionista mester ta involucra den decision strategico dje companianan aki y ta conta mescos pa RdA. Aruba ta e unico accionista di RdA. E accionista mester ta involucra den e decisionnan strategico. Pero ora di mira cu un minister encarga cu energia cu ta bisa di no kier mete den e decisionnan aki, y esey ta algo cu no ta compronde. E minister tin di duna cuenta na parlamento su maneho strategico p’e companianan aki. E mandatario mes a bisa cu esaki ta regarda interes vital di Aruba.
Awo si e ta regarda interes vital di Aruba, “con bo no kier ta informa dje contenido”. Por bay mas aleu, pasobra ora di scucha e minister papia, e ta papia di yen detaye. Pero con e por papia di detaye si e no a mira e contract, si no ta na altura dje contenido di contract. Na final di dia loke a mira ta core pa responsabilidad politico, hancra den constitucion. Loke por a mira ta falta di transparencia, por mira diferente reportero ta pres pa informacion y no ta haya contesta.
Pa un cobertura mas amplio lesa e edicion di TREMPAN di mañan.
