N’e isla frances di Guadalupe a registra un temblor di magnitud 6.2, den lama Caribe pa 7:23 am ora local.
Segun dato di Servicio Geologico di Merca (USGS), e centro tabata localisa na 40 kilometer dje localidad di Pointe-Noire na un profundidad di 166 kilometer. Na henter Guadalupe a sinti e temblor, asina prensa local a informa, sin duna detaye riba posibel daño of victima.
Pa su parti, Unidad Nacional pa Gestion di Riesgo di Desaster di Colombia a comunica cu no ta existi menasa di tsunami p’e costa di Caribe dje pais despues di e temblor.
E temblor aki tabata sinti na Dominica, Sint Maarten, Saint Martin, Martinique, Montserrat, Saint Kitts and Nevis, Caribe Hulandes, Saint Barthelemy, Antigua y Barbuda, Anguila.
