Cuerpo Policial tin necesidad di material y un di nan ta bulletproof. Informacion cu sindicato di polis tin ta cu bulletproof vest ta na caminda, pero mester confirmacion.
Rodney Solognier, presidente di sindicato SPA, a indica di ta acepta cu aunke e sa Minister Rocco Tjon ta polis, pero e mandatario ta bisti cu otro pechi. Tin biaha ta lubida riba e pechi cu e tabata carga prome. E sindicalista a indica cu nan relacion cu altocomisario Arnhem ta hopi bon y ta bayendo den bon direccion.
Hopi biaha e ta bin di minister pabou y Solognier no sa dicon. Polis a haya camara y te eynan nan a yega. SPA ta preocupa, aunke Solognier a compronde cu pronto nan lo haya noticia di bulletproof vest. E no kier bisa cu siguridad pa motibo cu tanten e no mira, e no ta kere.
Den e sistema nobo cu gobierno kier implementa den e presentatie management, nan ta exigi hopi polis, pa polis cumpli cu e reglamentonan, cu nan trabou, cu e functieomschrijving manera debe ser. Den e ley di labor ta para bon cla cu mester tin un bon ambiente p’e persona por traha su trabou.
