Reparatietoeslag ta un herment cu en realidad mester wordo ehecuta completamente door di Departamento di Belasting, manera na Hulanda. Como cu e Sistema no ta uno adecuado, awor pa loke ta e parti di pensionadonan ta SVb mester ehecuta esaki. Pero, e director Edwin Jacobs a bisa, no ta SVb ta dicidi cual pensionadonan ta haya Reparatietoeslag.
E principio di Reparatietoeslag ta cu ta kita di e schouder hancho y mande pa e schouder small, pero e ta un decision politico cu ta wordo tuma, pues Gobierno. Pero pa cualkier cambio of introduccion, tin henter un proceso su tras. Pero na final ta e poder legislative, cu ta wordo carga door di Gobierno y Parlamento ta tuma e decision. Aworaki, el a sigui splica, a tuma e decision cu e limite di entrada ta wordo poni na 1132 florin. Pero na momento cu e personanan responsabel tin tur dato na nan disposicion, nan por haci un analisis y yega na e posicion cu ta compensa esnan cu en realidad mester di dje, esta Brinda apoyo na esnan cu entrada abou.
Pa awor SVb no por bisa cuanto ta e hendenan cu ta bay perde of no ta haya e reparatietoeslag aki, pasobra ta te ora cu finalisa cu e payroll por bisa esaki. Pero e por bisa cu mayoria hende cu a traha tin mas cu un pensioen, ya cu ultimo decada hopi empresa den sector priva y den institucionnan financiero a crea un Sistema di pensioen adicional pa nan empleadonan.
Jacobs a confirma cu e mes ta wordo aserca door di hopi hende cu pregunta riba kico e cambio ta bay ta y si nan ta bini na remarca pa Reparatietoeslag.
Aworaki Gobierno ta pagando 22 miyon pa aña na Reparatietoeslag. Cu e cambionan e lo keda tambe 22 miyon pa aña y si mantene pa tur hende, e ta pasa riba 30 miyon florin pa anja.
