Un accidente a sosode riba caminda grandi pa Santa Cruz, na e T-Kruising banda di Weng Kee Bar and Restaurant na Piedra Plat entre dos vehiculo.
Esaki a tuma luga aproximadamente 12:00 pm, ora cu polis a presenta na e T-kruising pa cuminsa atende cu e accidente y tambe e trafico cu a pega.
Un Pick-up Nissan a lora pa bay direccion noord dilanti un Suzuki Swift. E Suzuki Swift no a logra para na tempo y a dal den banda parti dilanti di e pick-up. E daño na e Suzuki tabata considerabel. Na promer instante a pensa cu un di e chauffeurnan tabata herida, pero afortunadamente esey no tabata e caso.
Polis a guia e trafico pa asina tur hende por a haci nan trabou mas trankil. Takelwagen a bin despues, hala e vehiculo cu no por a core mas.
