E vice-presidente di Venezuela, Delcy Rodriguez, a pone riba Twitter di a reuni cu embahador di Reino di Hulanda na Venezuela, Robert Schuddeboom. E mandatario a indica cu e combersacion tabata relaciona cu frontera entre Aruba, Corsou, Boneiro y Venezuela.
Gilmar Pisas, Prome minister di Corsou, a indica cu e noticia tabata uno super alentador. Desde cu el a tuma over e Gobierno di Corsou, nan a bin haya negociacion para den cuadro por ta di Covid, pero e tempo ey embahada Hulandes a cuminsa cu e proceso despues dje file cu gobierno a haci como Pais. Nan a bay y acepta locual ta den Union Europeo. Merca a impone riba Corsou, unda cu semper nan a haci negoshi cu Venezuela y semper a considera otro ruman, pero dado momento a haya apertura bek.
E embahador a cuminsa haya contacto bek despues di a cambia e canciyer e reapertura a bin bek. Dia cu Delcy Rodriguez kier a baha na Hulanda, pero a neng’e y esey a daña e relacion un poco. E gobierno actual di Corsou tin un pensamento completamente diferente. Segun Pisas, nan a busca hopi acercamento cu Venezuela pa diferente motibo. Tambe nan a tuma e decision cu nan si kier habri frontera cu Venezuela y a cuminsa. A yega unda cu nan tres hunto, esta tanto Hulanda, Boneiro, Aruba y Corsou, a yega na un decision hunto. E gezamelijk verklaring ta riba mesa aworaki.
E vice-presidente di Venezuela a anuncia cu nan ta dispuesto pa habri frontera, pero e mandatario no sa e fecha. Segun Pisas, nan tabata desea pa habri e frontera e aña aki mes, pero e negociacionnan ta andando. Eventual esaki lo pasa na januari, pasobra representante di Venezuela lo ta biahando pa Corsou otro aña. Aruba y Hulanda tambe lo ta presente y eynan lo firma e documentonan oficial. Corsou ta spera cu por keda cla e aña aki ainda, sino ta bira na januari.
Premier di Corsou a confirma cu e frontera lo habri, pero ta evaluando aworaki e documentonan. A base di esey lo yega na un fecha pa habri e frontera. Loke e por a mira den e documentonan, esaki no lo pasa den e prome siman di januari. Semper y cuando bin cambio, pero pa Corsou e ta positivo pasobra mester di dje pa haci negoshi y habri e parti aereo pa por cuminsa bek cu e lasonan cu tabatin. Asina ey nan por haci negoshi pa loke ta trata e refineria di Corsou, segun e mandatario.
