Recientemente un di Aruba su yiunan, Nahiel Marquez, artisticamente yama Nahiel, a ricibi e grato noticia cu e ta nomina na e premionan “Praise Music Awards”. Entrega di e premio aki lo tuma luga dia 20 di october, na Bogota, Colombia.
Nahiel ta nomina den e categoria di Artista Revelacion Internacional di Aña .Esaki ta un di e premionan cu mas a destaca den ambito cristian hunto cu Premios el Galardon y Premios Arpa entre otro.
Aruba ban vota, apoyo nos artistanan local y e ta tuma menos di cinco minuut pa por gana den e categoria aki. E proceso di votacion a cuminsa diaranson.
Pa Nahiel sigur ta un honor pa por representa Cristo prome cu tur cos, pero tambe pa hiba e bandera di Aruba riba e plataformanan internacional.
Por ultimo henter Nahiel y henter su ekipo ta duna danki Dios prome cu tur cos pa e oportunidad aki pero tambe na tur esunnan cu ta continuamente ta apoya tanto Nahiel como su ekipo.
