Na tur skina riba nos isla tin detencion caba pa TDQ

3803

Tur anochi e team di 24ora.com ta riba caya pa asina informa e pueblo riba tur sucedido cu ta tuma luga referente e TDQ pero tambier cualkier otro suceso cu por pasa riba nos Isla.

E di 19 anochi di TDQ ta cuminsa den algun minuut di tempo cu 5 detencion ma varios sitio rond Aruba. Manera menciona den otro articulo, e prome detencion a tuma luga na Hato mientras a sigui detene mas persona. 

Den cercania di Stern na Tanki Leendert a detene dos persona, dilanti Hotel Barceló tambe a detene otro cabayero, mientras un rato despues ta detene otro persona den area di Madiki.

No por a splica su presencia dilanti “High rise hotel” y automaticamente ta detene pa no cumpli cu TDQ

Posted by 24ora on Wednesday, April 8, 2020

No a tarda mucho cu ta informa di otro detencion cu a tuma luga na e rotonde di FTA na San Nicolas. Asina por menciona cu ta na tur skina rond nos isla ta sigui detene cuidadanonan cu pa un motibo of otro no ta cumpli cu e regla di TDQ.