Pa e ultimo dianan aki, tur anochi manera 9:00PM bati, comunidad ta atento pa nan ta den nan cas y asina evita multa cuantioso relaciona cu e Toque de Queda cu gobierno a implementa riba nos Isla.
Diaranson anochi, un cabayero a scucha conmocion pafo di su cura di cas y a bay haci cos di caweta cu a result’e den un sorpresa masha desagradabel.
Na momento cu polis tabata atende un chauffeur cu tabata sospecha di ta bou influencia di alcohol net dilanti di su cas, e persona aki a dicidi di sali pafo di su cura di cas pa bay tira un bista y mes ora polis a bira detene e tambe pa TDQ.
Ora bisa tur hende keda paden, no ta wega, e multa ta substancial y como tal ta transporta bo pa warda di polis pa atende cu e riesgo cu a tuma di sali asina mes.