Den careda di 12or di madruga , bisnjanan di Bubali y vecindario a keda sin coriente. E bisinjanan a bay pafor y a nota un auto cu a dal den un palo di lus. Pa e motibo ey tambe e coriente a bay den varios bario na Noord. E bisinjanan a wak un homber cana bay y bandona e sitio. Mesora patruyanan di Noord a wordo poni na altura patruyanan a mobilisa na e sitio menciona. Ora polis a yega na e sitio a topa e auto Chevrolet Aveo color blanco numera A-58075. E tabata pega riba un palo di lus. E otro patruya a bay core rond pa wak si nan ta mira e persona cu a ocasiona e accidente. Despues di basta rato a topa cu e persona dilanti di Inas Party Rental. Polis a bay over na detene e homber cu tabata pata pata burachi. Polis a manda pidi dogcatcher pa asina transporta e homber pa warda di Shaba. Ora polis a bay chek kiko exactamente a sosode, a bin saca afor cu e auto Aveo tabata bayendo direccion Noord riba e caminda di Bubali y e chauffeur a lastra un brake largo y no por a para. El a dal den e palo di lus. Pa colmo e papel di e auto no tabata na ordo. Takel wagen a bin pa busca e auto y hibe pa warda di Balashi.
