Alrededor di 3:35 di madruga, patruya di Noord pasando banda di Olde Molen, a wordo para door di un taxista y el a avisa e patruya cu riba Sasaki Weg un auto a caba di bolter. E patruya a dirigi su mes riba Sasaki Weg y a topa cu e auto. Polis a bay chek kiko exactamente a sosode. Banda di e auto a bin topa un dama benta. Patruya a pidi presencia di ambulance pa presenta na e sitio pa asina atende cu e dama. Ambulance a presenta y paramediconan a duna e dama asistencia. E dama tabata grita di dolor na pia y garganta. Personal di ambulance a trata e dama despues a transporte pa hospital. Polis a bay chek kiko a sosode y a tuma datos. A bin saca afor cu pa un motibo of otro e Nissan Tiida color shinishi scur numera A-67874 a baha caminday bolter. Polis a tuma datos di e susedido y danjo material ta basta.
