Desde 2004, e Veteranonan Mericano di Guera ta tene un servicio conmemorativo na Costa Linda, na memoria di tur esunnan cu a sacrifica nan bida na servicio di nan pais.
E detaye ta consisti di e veteranonan di e di Dos Guera Mundial, Guera di Korea, Guera di Vietnam, Guera Frieu y e Guera contra Terorismo. Tur veterano, di cualkier nacionalidad ta invita pa bini hunto na e ‘Detaye’.
Maureen Nadal, a informa cu desde 2004, su casa a cuminsa cu e servicio conmemorativo aki. Na comienso nan tabata ta cinco, pero aworaki a keda solamente dos, ya cu e otronan a fayece caba.
E ceremonia tabata consisti di lesa un salmo dilanti lama y despues ta pone flor den awa. Su yiu muhe tabata saca e potret ora ta pone e flornan den awa. Pero un biaha un biaha un señora a bin saca e potretnan for di awa y hibanan su cas. Despues nan a bin haya sa cu e señora no tabata sa e motibo tras di e ceremonia.
Mas aleu, Nadal a sigui bisa cu no por keha, e servicio y atencion cu nan ta ricibi for di Costa Linda Beach Resort ta increibel.
Den transcurso di aña, nan a logra na mantene e ceremonia simpel y solemne cu e intencion di mantene e recuerdo di e homber- y muhenan cu a muri den servicio di nan pais.
E Veteranonan di Aruba tambe tabata invita na e ceremonia.
Pa un relato un poco mas extenso, lesa TREMPAN.