For di ayera nochi pa mas o menos 7:20 pm, N.V. ELMAR a confronta cu un interupcion di coriente den e bario di Dakota y vecindario.
Tecniconan a sali mesora pa atende cu e interupcion y a dura basta pa por a logra localisa unda precisamente e fayo aki a origina. Por a logra suministra coriente bek den algun area alrededor di 8:00 pm mientras otronan a keda sin coriente te cu 3:00 am!
E problema mes a resulta di ta mas grandi. Parce cu e fayo tabata riba un kabel di 12.000 volt bao di tera, den vecindario di Kawarastraat.
Tecniconan di N.V. ELMAR di ayera nochi ta trahando incansablemente pa por resolve e problema aki, cu te ainda tin algun area den Dakota afecta.
“Nos tecniconan ta haciendo nan maximo esfuerso pa por reconecta e suministro di coriente lo mas lihe cu nan por, pero ta premira cu esaki por dura un 3 pa 4 ora ainda”, asina e comunicado di prensa di N.V. Elmar ta indica.
ELMAR ta pidi disculpa na su clientenan cu ta afecta pa e interupcion di coriente aki.
