Relaciona cu e proyecto di por lo menos 900 camber di hotel na Sero Colorado, esta Secrets Hotel, tin un desaroyo nobo. Manera ta conoci, na februari ultimo un grupo di habitante a gana caso den Corte pa para construccion di e hotel relaciona cu violacion di regla.
Hues a dicta na fabor di e habitantenan, caminda a constata cu tin varios punto cu e desaroyado, Three Rivers, no ta cumpliendo cu ne. Un di e puntonan ta cu; e proyecto ta birando mas grandi compara kico a palabra prome, pues ta papia di 900 en bes di 600 camber. E haltura di e hotel tambe ta un di e puntonan di preocupacion pa e habitantenan.
Recientemente den un conferencia di prensa di gobierno un periodista a informa e minister di salud cu e grupo di habitante ta habri pa sinti cu a mandatario, mirando cu nan no ta contra di un proyecto asina pa San Nicolas sino mas bien solamente algun punto cu e desaroyado no ta cumpliendo cu ne. E mandatario encarga cu turismo ta contento cu e noticia aki. Di su banda el a papia mesun idioma, mirando e ta importante pa atende cu nan preocupacion pero mas ainda pa sigura cu e desaroyo di e hotel por sigui.
