Awe diabierna mundo completo a sera conoci cu dos primicio di Aruba su cantante Jeon. Ta trata aki di e primicia di e remix di e cancion ‘Tetema’ hunto cu artistanan Pitbull, Rayvanni, Mohombi y Diamond Platnumz.
E cancion original ta un exito grandi caba cu mas di 25 miyon view riba youtube. Den e cancion por scucha bastante palabranan na papiamento.
E otro primicia ta e video clip di un colaboracion entre Jeon y e hoben artista Malu Trevejo. Malu ta un hoben di 16 aña cu ta hopi popular riba rednan social cu mas di 7 miyon follower. Malu ta canta tambe y a colabora cu Jeon riba e cancion ‘Hace Calor’. Por cierto e video clip a wordo filma na Aruba y produci pa Edward Silberie.
