Pa prome biaha den historia Aruba ta logra medaya den Panamericano

Diabierna, 9 di augustus, 2019, Mack van den Eerenbeemt ta marca historia pa Aruba, logrando su prome medaya di brons den Weganan Panamericano. E ta algo grandi pa mundo deportivo di Aruba.

Pa prome biaha den historia Aruba ta logra medaya den Panamericano

Pa prome biaha den historia Aruba ta logra medaya den Panamericano
Click link pa mas: https://24ora.news/2YA3gt3

Posted by 24ora on Friday, August 9, 2019

Ya caba riba diahuebs e landado Mikel Schreuders a haci un rol importante ora cu el a logra e di seis puesto den final A di landamento 100 meter estilo liber.Keda pendiente pa mas informacion for di Lima, Peru, unda Weganan Panamericano ta tumando luga.

Ainda e no por kere

Mack van den Eerenbeemt ainda no por kere cu el a gana medaya di brons. E ta splica cu e race mester bay perfecto. A subi lama, no tabata tin mucho biento. Manera cu e biento a subi, tabata net su cos. Van den Eerenbeemt a gana e careda aki, lagando esunnan cu tabata dilanti atras. El a gana su medaya di brons cu un diferencia di 1 punto.

Tur e dianan aki e biento ta riba 25 nudo. Den e prome dianan no tabata tin biento y no a haci ningun careda. Apesar di esaki, riba e di dos dia a tene un careda, y a bay bon. Na cuminsamento di e siman aki van den Eerenbeemt a haci damage control. Sinembargo den e ultimo caredanan tabata tin bon biento, caminda cu el a posiciona su mes bon. Riba e ultimo dia el a coy e prome luga.

Mack awor aki ta studiando na Hulanda den e sector di hospitalidad. E no ta bay enfoca pa Tokyo, pero ken sa, despues di 2020 e lo bay traha p’e.