Durante un conferencia di prensa diabierna merdia, a keda anuncia e concierto di Marco Antonio Solis, cu lo tuma luga dia 10 di november awor den Aruba Entertainment Center (AEC).
Su bishita na Aruba ta forma parti di e “El mas querido tour”, pa cual a habri un sede na Renaissance Market Place y tin tambe Facebook page cu yama Marco Antonio Solis Concert Aruba 2019, unda por reserva ticketnan tambe.
Tanto na e sede como via di e Facebook por haya informacion di e diferente ofertanan cu tin pa esnan cu cumpra nan ticketnan tempran, y tambe esnan cu kier bay den e seccion VIP, cu ta consisti di mas cu un VIP. Hasta tin posibilidad di pone un deposito, y djei paga tur luna un cuota te cu finalisa di haci e pago completo.
Steve Hudson, promotor di concierto, den e conferencia di prensa a bisa cu e concierto aki, mescos cu esun di Ana Gabriel ta bay bira algo grandi, mirando e calidad di e artista Marco Antonio Solis.
