Dialuna marduga pasa di 4or a sosode un accidente hopo grave. Un homber riba un sportbike cu zweefarm largo a dal frontal den un Nissan March. E brommer tabata bay difeccion pabou. E motociclista tabata bin hopi duro.
Pa un of otro motibo e dos vehiculonan a topa otro. Impacto fuerte caminda e Nissan March a keda tur kibra. Un truck tambe bayendo direccion pariba a haya su mes den e accidente. E auto a dal tambe den e truck despues di e impacto cu e brommer. E brommer a kibra den tres. E motor cu su chasis pega na dje a keda benta mas pabou.
E sweefarm a kita completo tambe y un wheel a keda benta mas pabou riba caminda. E motociclista mes a bay cay hopi mas pabou ainda pazuid di caminda patras di e borchi di e parada di bus. Ambulance y bombero tambe a yega. E personal di ambulance no por a haci nada mas pa e victima riba e brommer. El a fayece na e sitio. Personal di ambulance a tapa e curpa y pidi pa dokter.
Otro personanan den e Nissan March a haya atencion medico na e sitio den e ambulance cu a presenta. Investigacion a cuminsa pa saca afo kico exactamente a pasa. E chauffeur di e truck envolvi tambe a mira y su declaracion tabata importante pa polis por haya claridad riba e desgracia.
