Diamars despues di 6:30 pm, a sosode un caso di hit & run na Paradera cu un hende a resulta herida.
Segun informacion ricibi, e chauffeur di un auto marca Toyota modelo Camry color blanco tabata bayendo direccion rotonde di Paradera y for di caminda contrario un brommer a ‘slide’ cu su brommer y dal contra e Toyota causando daño algun daño.
E version di e motociclista mes ta cu e tabata biniendo fo’i rotonde bayendo direccion Playa, ora cu un auto desconoci lo a medio mishi cu ne y esaki a pone cu el a perde control bay dal den e Toyota.
Personal di ambulance a haci un chekeo medico, pero e motociclista no tabata grave. Polis di trafico a yega na sitio pa haci nan investigacion.
