Diasabra atardi Polis a bay na un cas na Rooi Koochi. A drenta informacion cu un ruman no tin contacto cu e otro ruman. Polis na yegada a drenta e cas na Rooi Koochi. E cas ta basta grandi. A kibra e porta di e apartamento den e cura di e cas. Eynan a bin topa cu e homber Ashley Arends di 50 aña. E tabata benta den e apartamento y no tabata duna señal di bida. A bay over na pidi ambulance y despues tambe tabata necesario pa un dokter. Dokter a constata morto.
E forma cu a topa e curpa den e cas no ta mustra hende cu a fayece di un morto natural. Recherche tambe a ser avisa y mescos Cuerpo Tecnico di Polis. Na yegada a haci tambe e investigacion. Autopsia riba e curpa tabata necesario. Segun algun familiar y tambe Polis, ta un caso unda ta sospecha cu Ashley Arends no kier a sigui biba. E anochi anterior e tabata cu famia ta come na un restaurant. Y diasabra a haye morto. A mira cu tabata tin candela den e apartamento y ta sospecha cu el a stik su mes. Famia a splica cu e victima tabata tin un historia cu adiccion. El a stop un tempo despues di tratamento y rehabilitacion pero a bolbe cay den adiccion. Pas na su restonan.
