Riba e tema di eventual reapertura di frontera cu Venezuela, Minister Ruisandro Cijntje a comenta cu solamente e barconan di fruta ta yega Punda. Esey ta nifica tambe conectividad, manera avion cu por sali fo’i Venezuela bin Corsou y tambe di Corsou e ora bay otro destinacion.
Conectividad semper ta bon pa un desaroyo economico. Banda di e asunto di barco di fruta, pasobra Corsou ta hopi mas cerca cu e otro paisnan caminda cu aworaki ta importa. Esey ta un di e aspectonan cu tin. Corsou ta importa hopi y tambe nan tin un proyecto piloto pa nan mes cuminsa planta nan mes alimento y tambe haci mas tanto na cria di bestia.
Minister Cijntje a indica cu Venezuela semper tabata un mercado positivo pa Corsou y ta spera tambe cu e reapertura aki lo sigui ta un mercado positivo. Tin hopi Venezolano tambe cu ta bin di e parti turismo. Tin hopi comerciante local cu ta haci negoshi cu Venezuela.
Venezuela ta un pais con cu mir’e, cu e tin hopi recurso. Pero mester mira con e desaroyonan ta bay cu tur cos ta bay si den margen di ley.
