Relaciona cu e tema di e centronan di cuido di mucha cual recientemente Gobierno a introduci un ley nobo pa e maneho di esakinan, Minister di Husticia y Asuntonan Social, Rocco Tjon ta bisa cu ta hopi importante pa percura pa tin supervision ora introduci un ley nobo. P’esey e departamento di mucha y hoben ta bay cay aden, y bo mester tin instrumentonan tambe pa garantisa cu hendenan ta bay cumpli cu e ley.
“P’esey e ley aki ta brinda diferente instrumento pa loke ta e parti di ehecucion.” Bo por duna multa, warnings, pero tambe tin e ‘strafrechtelijke handhaving’ cu bo por duna un geldboete den cuadro di strafrecht. Di e forma ey, e instrumentonan t’ey. “Pero mi ta bolbe enfatisa, e punto di salida ta pa cuminsa cu e supervision cu caracter di stimula, pa stimula pa cumpli cu tur cos.” E mandatario ta subraya cu si tur hende kier y ta cumpli, no lo mester yega na e fase aki di bay papia di multa.
Tin e fenomeno tambe di e centronan di cuido of e scolnan cu ta opera for di cas, sin ningun borchi of ningun tipo di propaganda. En principio, tur scol cu ta haya begeleiding of no cu unabes bo ta den e ley tambe ta describi esey. Cu bo ta dunando un servicio cu bo ta paga p’e como mayor, e ta cay bao di Kinderopvang, cual ta indica den e ley tambe. E ley ta conta unabes bo tin cinco mucha bay ariba, si bo tin cuater mucha bo no ta cay bao di e ley. E parti mas dificil pa finalisa un ley manera esaki ta e parti di con e ta bay den practica.
Pa mas lesa TREMPAN.COM.
