Salud mental y adiccion ta un topico cu sigur tin hopi atencion den pueblo y di parti di ministerio di husticia y asunto social, ta duna hopi atencion pasobra e ta necesario.
Ta mira bek na un fin di siman caminda a organisa un evento sumamente positivo cu ta ‘Let’s Art About Mental Health’.
Segun e minister ta iniciativa caminda cu ta crea conscientisacion pero tambe aceptacion pa e tematica aki. Por a mira tur departamento, pero tambe tur instancia hunto pa brinda informacion na pueblo riba e tematica aki.
Obviamente for di ministerio di Asunto Social y Husticia a nombra dos persona cu tur siman ta reuni cu e stakeholdernan cu e meta pa prome cu fin di aña yega na un acuerdo di cooperacion entre tur e departamento y instancianan aki, pa di e forma ey por brinda un miho cuido, pa loke ta salud mental y loke ta adiccion.
Tin algun punto specifico tambe cu e minister a menciona, caminda cu diabierna venidero lo firma un acuerdo entre Aruba, Corsou, St. Maarten y Boneiro pa loke ta un cooperacion specifico riba e tematica aki, caminda cu lo tin clinica Capriles representa, Mental Health Caribbean di Boneiro y Mental Health Foundation di St. Maarten y Respaldo, lo firma un convenio di cooperacion caminda cu hunto lo percura riba diferente topico, nan colabora mas di cerca cu otro.
Specificamente riba tereno di educacion, tereno di brinda curso na e personal y di e forma aki lo por percura pa no solamente miho calidad, pero tambe ta percura pa por amplia e carera p’e personal cu ta traha den e area aki.
Pa cobertura mas amplio lesa edicion di TREMPAN mañan.
